Лидерска академија 2016: Дискусија „Интегритет на изборите“

Институтот за економски стратегии и меѓународни односи – Охрид во соработка со Мисијата на ОБСЕ во Скопје, на 8 ноември 2016 година, во хотел „Порта“, организираше дискусија „Интегритет на избори“. Ова беше последната активност од Лидерската академија 2016 година која беше спроведена од страна на Институт Охрид и Мисијата на ОБСЕ во Скопје. 

На дискусијата учествуваа и  учесниците од минатогодишната Лидерска академија и оваа дискусија беше одлично продолжување и надополнување на претходната  дискусија за принципи на демократско владеење.

Имајќи предвид дека Република Македонија ја очекуваат избори од кои многу се очекува, веруваме дека оваа дискусија донесе многу интересни заклучоци и поттикна размена на различни искуства, но и предлози за подобрување на изборниот процес во Република Македонија.

Првиот дел од дискусијата беше модериран од страна на г-ѓа Билјана Јанева, извршниот директор на Институт Охрид. Младите политичари зборуваа за нивните очекувања од изборите и како ќе ги употребат вештините кои ги стекнаа за време на Лидерската академија во изборната кампања. Учесниците зборуваа за говорот на омраза и за тоа колку често го сретнуваат и искусуваат, особено за време ни избори и воедно се согласија дека сите имаат одговорност да работат на спречување на говорот на омраза. 

Во вториот дел од дискусијата се придружи и Неговата екселенција Џеф Голдстајн, заменик-амбасадор на Мисијата на ОБСЕ во Скопје. Тој зборуваше за неговите погледи за важноста на интегритетот во изборите и воедно го сподели сопственото искуство и зборуваше за изборите и изборната кампања во САД.

Дискусијата беше завршена со официјална церемонија и Неговата екселенција Џеф Голдстајн и г-ѓата Билјана Јанева на втората генерација учесници на Лидерската академија им ги врачија сертификатите за успешно завршена Лидерска академија.