Семинар „Градење на капацитетите на младите политичари“

Младите политичари од 11 градови од Република Македнија викендов учествуваа во дводневен семинар „Градење на капацитетите на младите политичари“. Овој семинар е дел од активностите од програмата Политички дијалог помеѓу младите политичари во Република Македонија. 

Семинарот беше поделен во два дела: Првиот дел беше посветен на борбата против говор на омраза и младите политичари беа обучени како да го препознаваат и спречуваат говорот на омраза, а во вториот дел од семинарот младите политичари поминаа низ обука за односи со јавност и комуникациски вештини.

Преку овој семинар продолжува градењето и зацврстувањето на капацитетите на младите политичари кои се активно вклучени во своите матични подмладоци и кои се идните лидери и носители на одлуки.

Институт Охрид продолжува да ги реализира активностите од програмата Политички дијалог помеѓу младите политичари во Република Македонија.