Професорот Грегори Салмиери како предавач на отворениот час на Школата за објективизам во Скопје
Професорот Грегори Салмиери беше гостин-предавач во рамките на Школата за објективизам: Кој е Џон Галт?
Институтот Охрид имаше чест и задоволство да биде домаќин на предавањето на професорот Грегори Салмиери од САД. Предавањето беше организирано во рамките на Школата за објективизам: Кој е Џон Галт?, која во соработка со Балканскиот објективистички центар од Србија и Институтот Ејн Ренд од САД, е првата школа од ваков тип во Република Македонија.
Професорот Грегори Салмиери, од Универзитетот Рутгер во САД, отвори неколку скокотливи прашања поврзани со учењето и објективистичката филозофија на Ејн Ренд, како прашањето за тоа дали себичноста е доблест, но се дискутираа други етички прашања за алтруизмот, парите и капитализмот.
Професорот Салмиери речиси два часа дискутираше со учесниците и одговараше на многу различни прашања. Ова предавање започна интересна дебата и пред се поттикна различни размислувања за тема која не е многу позната во Република Македонија.
