Пријавете се на програмата „Локално Активно Вмрежување на Младите во Институциите“ (ЛАВМИ)!
Пријавете се на програмата „Локално Активно Вмрежување на Младите во Институциите“ (ЛАВМИ)!
Краен рок за пријавување: 23.02.2018 (петок)
Млади за политика или политика за млади - исто е, ама не е исто.
Правите ли разлика помеѓу партија и политика?
Каков е процесот на донесување политики за млади во локалната самоуправа?
Имате ли некаков предлог и идеја за решавање на некои од проблемите во Вашата општина?
Доколку сметате дека овие теми се интересни и корисни, ЛАВМИ е вистинската програма за Вас!
„Локално активно вмрежување (вклучување) на младите во институциите“ (ЛАВМИ) е програма која има за цел да ја крене свесноста и знаењето за тоа што е политика, а што партија, што е партизираност, а што политизација. ЛАВМИ ќе им овозможи на учесниците одлична можност да се стекнат со вештини за создавање и пишување предлог-проекти, а истовремено ќе стекнат и повеќе знаење за процесот на креирање политики за млади.
Оваа програма ќе се одвива во шест скопски општини: Центар, Кисела Вода, Аеродром, Гази Баба, Карпош и Ѓорче Петров.
Програмата е поделена во три модули кои ќе се спроведат во период од неколку седмици.
Доколку живеете во некоја од овие општини, Ве охрабруваме и поттикнуваме да се пријавите!
Рокот на поднесување е до: 23.02.2018 година (петок)
Доколку имате прашања, слободно можете да се обратите на [email protected] или 070 840 559 (Марија) и 078 383 508 (Соња).
Формуларот за пријавување можете да го најдете тука.